Noticias de Deporte Santiago

24/05/2013 a 26/05/2013

O Curso de Dereito do Fútbol organizado pola Federación Galega de Fútbol está dirixido a todas aquelas persoas que estean vinculadas ao mundo do fútbol ou que queiran desenvolver os seus coñecementos neste ámbito, tales como avogados, economistas, universitarios, licenciados en dereito ou INEF, directivos e traballadores de clubs e entidades deportivas, xogadores e colectivos varios.


O curso desenvolverase os días 24, 25 e 26 de maio no Auditorio de Galicia de Santiago de Compostela.

16/05/2013

Xa está aberto o prazo para inscribirse no Campamento Deportivo organizado pola Deputación da Coruña que se desenvolverá do 7 ao 13 do xullo e na que poderán participar os rapaces e rapazas empadroados en Santiago e nados nos anos 2003, 2002, 2001, 2000 e 1999.


O prazo de solicitude remata o xoves 16 de maio.


Para inscribirse, é preciso que presenten, en calquera dos Rexistros do Concello, a seguinte documentación:


1.- Ficha de inscrición debidamente cuberta e asinada polos pais ou titor/a do solicitante.

12/05/2013

O domingo 12 de maio terá lugar en Santiago de Compostela o I COMPOSTELA BTT.


A saída será ás 9:30 horas desde a carballeira de San Lourenzo.


Máis información e inscricións: MAGMASPORTS

11/05/2013 a 12/05/2013

Por primeira vez poderemos gozar en Santiago de Compostela da 3ª Liga Galega de Miniesgrima (categorías de menores de 9 anos e menores de 12 anos) e da Liga Galega de Espada (categoría absoluta).


As dúas probas, organizadas polo club Compostela Esgrima, desenvolveranse no Pavillón do Restollal. A primeira proba terá lugar o sábado 11 desde as 16:00 horas e a segunda o domingo 12 desde as 10:00 horas.


Máis información: www.compostelaesgrima.com

01/05/2013

Ao redor de 200 deportistas competirán o 1 de maio no X Campionato de Seleccións Provinciais de Balonmán polo título de Campión Galego. O Campionato que terá lugar en Santiago de Compostela desenvolveráse nos pavillóns do Restollal, de Pontepedriña e o de Fontiñas a partir das 10:30 horas.

24/03/2013

O domingo día 24 poderase volver gozar no campo municipal de Santa Isabel dun partido oficial de Fútbol Americano en Santiago de Compostela.


Os Santiago Black Ravens e os Lisboa Navigators disputarán este encontro da Liga Portuguesa de Fútbol Americano a partir das 11:30 horas.


A entrada ao recinto será gratuíta.

23/03/2013

O 23 de marzo de 9:30 a 14:30 horas terá lugar no Pavillón de Fontiñas o primeiro Clinic Galego de Fútbol Sala.


Neste Clinic, organizado pola Agrupación de Veteranos, figuran como ponentes: Mon Barreiro e Santiago Mecías do Santiago Futsal, Diego Ríos do Azkar Lugo, F.S., Isidro Grela e Julio Mougan.


Máis información: Tlfno. 981 57 11 24 e correo electrónico advsantiago@gmail.com

19/03/2013

No DOG do 15 marzo publicáronse as bases reguladoras para a concesión de subvencións en réxime de concorrencia non competitiva, a clubs deportivos, sociedades anónimas deportivas e agrupacións deportivas escolares de Galicia, para o desenvolvemento de actividades deportivas, e pola que se procede á súa convocatoria.


Convocatoria DOG

16/03/2013

O sábado 16 de marzo celebrarase en Santiado de Compostela o encontro internacional do Campionato de Europa de Rugby que enfrontará ás seleccións de España e Portugal.


O encontro, organizado pola Federación Galega de Rugby, disputarase no Estadio de San Lázaro ás 18:00 horas.


Máis información: Tlfno. 981137402 e- mail secretaria@fegarugby.es www.ferugby.es

16/03/2013

O sábado 16 de marzo as 12:00 horas, organizado por AGAXEDE, terá lugar a conferencia "A responsabilidade dos xestores deportivos" aberta a todo o personal de entidades deportivas. Dado a limitación do aforo deberase confirmar asistencia.


A conferencia que terá lugar no Centro Sociocultural do Ensanche (rúa Frei Rosendo Salvado, 14-16) será impartida por Alejandro López Sánchez, avogado en exercicio, especialista en Dereito Civil e Mercantil específicamente no ámbito da responsabilidade civil na Montaña e actividades ao aire libre.

Páxinas