Noticias de Deporte Santiago
CAMPAMENTOS DEPORTIVOS VERÁN 2023 da Deputación da Coruña
A Deputación da Coruña adxudicoulle ao concello de Santiago de Compostela 18 prazas para o Campamento Deportivo de Verán na 3ª quenda (do 16 ao 21 de xullo), na que poderán participar as rapazas e rapaces empadroados en Santiago e que teñan entre 9 e 14 anos cumplidos (nacidos entre o 1 de xaneiro de 2009 e o 31 de decembro de 2014).
Apertura do prazo de solicitude de instalacións deportivas municipais para o desenvolvemento de actividades, programas, campionatos e outro tipo de acontecementos deportivos, en xeral, a realizar durante o período do 22 de xuño ao 15 de xullo de 2023, ambos inclusive.
O período oficial de solicitude estará aberto ata o 12 de maio de 2023.
O xoves 22 de decembro, ás 14,00 h. celebrouse no Salón Verde do Concello o sorteo para a adxudicación das 23 prazas do Concello de Santiago para participar na Campaña de Neve 2023 que a Deputación da Coruña organiza na Estación Invernal de Valgrande-Pajares, na quenda do 3 ao 6 de febreiro de 2023.
O Concello de Santiago dispón de 23 prazas para participar na Campaña de Neve que a Deputación da Coruña organiza na estación invernal de Valgrande-Pajares, na quenda do 3 ao 6 de febreiro de 2023.
Rematado o prazo de preinscrición, e habendo máis solicitudes ca prazas, realizarase un sorteo público o xoves 22 de decembro, ás 14 horas no Salón de Plenos do Concello.
O resultado do sorteo publicarase nesta web.
A Deputación Provincial da Coruña organiza unha CAMPAÑA DE NEVE na estación invernal de VALGRANDE-PAJARES na que poderán participar os nenos/-as empadroados nun concello da provincia de A Coruña, de 11 a 15 anos inclusive (cumpridos a 31 de decembro de 2022). Terán prioridade os/as nenos/as que non foran a ningunha campaña da neve da Deputación.
No día de hoxe, mércores 5 de outubro, publicouse no BOP da Coruña o extracto do acordo do 29 de setembro de 2022 da Xunta de Goberno Local do Concello de Santiago de Compostela polo que se aproba a convocatoria de subvencións, en réxime de concorrencia competitiva, destinadas ao fomento do deporte federado ano 2022.
O prazo para presentación de solicitudes será de 15 días naturais contados a partir desta publicación no BOP, é dicir, do 6 ao 20 de outubro, ambos inclusive.
A partir do 27 de setembro a reserva das instalacións deportivas para "uso libre", é dicir ─partidos, xogos deportivos e práctica deportiva en xeral desenvolvida por persoas físicas e non profesionais─ poderá realizarse ON-LINE a través da web do Concello de Santiago.
BASES REGULADORAS DA CONVOCATORIA DE CESIÓN DE USOS DAS INSTALACIÓNS DEPORTIVAS MUNICIPAIS PARA ACTIVIDADES DEPORTIVAS (ADESTRAMENTOS) E ACTIVIDADES FÍSICAS DURANTE A TEMPADA 2022-2023
A Xunta de Goberno Local do Concello de Santiago de Compostela, na sesión ordinaria celebrada o 20 de xuño de 2022, aprobou as Bases reguladoras da convocatoria de cesión de usos das instalacións deportivas municipais para actividades deportivas (adestramentos) e actividades físicas durante a tempada 2022-2023.
O mércores 25 de maio, ás 14,15 h. celebrouse no Salón Verde do Concello o sorteo para a adxudicación das 20 prazas do Concello de Santiago para participar nos Campamentos Deportivos Verán 2022 da Deputación da Coruña, na quenda do 26 de xuño ao 1 de xullo.
A Deputación da Coruña adxudicoulle ao Concello de Santiago 20 prazas para participar nos Campamentos Deportivos 2022, na quenda 1, do 26 de xuño ao 1 de xullo.