Noticias de Deporte Santiago

26/04/2018

O polideportivo de Santa Isabel acollerá este sábado o Campionato Galego de Ximnasia Acrobática, organizado polo Club Ximnasia Rítmica Compostela. O evento foi presentado esta mañá pola concelleira de Deporte, Noa Morales, acompañada da directora técnica do Club Deportivo Ximnasia Rítmica Compostela, María Cañabate, e da coordinadora da escola de ximnasia acrobática, Belén Ferreiro.

25/04/2018

Case 850 escolares de sete centros de Compostela participaron este mércores nas actividades do Día da Educación Física na Rúa. A actividade está organizada polo IES Rosalía de Castro e conta coa colaboración do Concello de Santiago.

24/04/2018

A concelleira de Deporte, Noa Morales, deu conta esta mañá dos detalles da proba do Campionato do Mundo de Enduro que se celebrará en Compostela os días 27, 29 e 29 de abril. Na presentación tamén estiveron a secretaria xeral para o Deporte, Marta Míguez; o presidente da Federación Galega de Motociclismo, José Canda, e o piloto e inspector da FIM Enduro World Championship, Maurizio Micheluz.

20/04/2018

O vindeiro 25 de abril, a praza da Quintana acolle as actividades de celebración do Día Internacional da Educación Física, que se celebra na nosa cidade dende hai varios anos. O evento foi presentado esta mañá pola concelleira de Deporte, Noa Morales, e por Álvaro Rivas, profesor de Educación Física do IES Rosalía de Castro.

20/04/2018

Velaquí a axenda coas actividades deportivas en Compostela do 20 ao 22 de abril de 2018.

16/04/2018

A sede da Federación Galega de Fútbol, situada nos baixos do estadio de San Lázaro, acolleu esta mañá a presentación do Torneo Internacional de Fútbol Base Camiños de Compostela, que se celebrará en varios concellos entre o 4 e o 24 de xuño. A fase final terá lugar en Santiago. Na rolda participou a concelleira de Deporte, Noa Morales.

13/04/2018

Velaquí a axenda coas actividades deportivas en Compostela do 13 ao 15 de abril de 2018.

02/04/2018

SantYaGo10K, a carreira nocturna de Santiago de Compostela, celebrarase o sábado 28 de abril ás 22:00 horas. Cando queda aínda practicamente un mes para a proba hai xa máis de 200 persoas inscritas para participar. A carreira, sobre un circuito lineal e homologado de 10 quilómetros, ten a saída en San Francisco e a chegada na praza do Obradoiro, e percorrerá a Alameda e as principais rúas do Casco Histórico.

23/03/2018

Velaquí a axenda coas actividades deportivas en Compostela do 23 ao 25 de febreiro de 2018.

20/03/2018

Apertura do prazo de solicitude de instalacións deportivas municipais para o desenvolvemento de actividades, programas, campionatos e outro tipo de eventos deportivos, en xeral, a realizar durante o período de 11 de xuño a 7 de xullo e do 20 de agosto ao 9 de setembro, ambos inclusive.

O prazo de solicitude será do 21 de marzo ao 20 de abril, ambos inclusive

INFORMACIÓN

Páginas