Noticias de Deporte Santiago

14/03/2018

A concelleira de Deporte, Noa Morales, presentou esta mañá a concentración de escolas de rugby de Galicia, que terá lugar este sábado en Santa Isabel. Na rolda estivo acompañada por Betty Álvarez, presidenta da Asociación Valentes; María Esperanza Fernández, representante do CDU Rugby Santiago Veteranos, e José Pérez de Vallejo, presidente do Santiago Rugby Club.

12/03/2018

Este martes abriuse a inscrición para participar na cuarta edición da carreira nocturna SantYaGo10K, que se celebrará o sábado 28 de abril ás 22:00 horas. Este ano, a proba está encadrada no I Circuíto de Carreiras Cidades Patrimonio da Humanidade. Entre as novidades desta edición figura un servizo de gardería de balde.

09/03/2018

Á vista da alerta metereolóxica prevista para esta fin de semana, especialmente para a madrugada do domingo 11, considérase oportuno proceder ao peche dos campos de fútbol municipais durante toda a xornada do domingo co fin de evitar situacións innecesarias de risco para os/as deportistas.

23/02/2018

Velaquí a axenda coas actividades deportivas en Compostela do 23 ao 25 de febreiro de 2018.

15/02/2018

O pavillón municipal de Santa Isabel acolle este sábado o XVII Campionato Galego de Grupos Show para Grandes e Pequenos de Patinaxe Artística. O evento está organizado polo Club Deportivo Fontiñas e contará coa participación de case 250 patinadores e patinadoras de toda Galicia.

09/02/2018

Velaquí a axenda coas actividades deportivas en Compostela do 9 ao 11 de febreiro de 2018.

31/01/2018

O Concello e Santiago dispón de 22 prazas para participar na Campaña de Inverno que a Deputación da Coruña organiza na estación invernal de Cabeza de Manzaneda, na quenda do 9 ao 12 de marzo de 2018.

31/01/2018

A concelleira de Deporte, Noa Morales, presentou o partido de fútbol americano que disputarán este domingo día 4 de febreiro os Black Ravens de Santiago contra os Gijón Mariners no campo das Cancelas. Xunto á concelleira estiveron Fernando Vigo, presidente do club Black Ravens, e David Gómez, xogador de ataque do equipo. O partido comezará ás 12:00 horas e será o primeiro dos santiagueses como locais na máxima división da Liga de Fútbol Americano.

30/01/2018

As instalacións deportivas de Santa Isabel serán escenario durante esta fin de semana do X Trofeo Cidade de Santiago de judo en categoría infantil(sábado 3) e do Campionato de Galicia Júnior Masculino e Feminino desta disciplina (domingo 4). Máis de 200 judokas daranse cita en Santiago nestas dúas competicións.

Páginas