Noticias de Deporte Santiago

23/08/2018

No día de hoxe, xoves 23 de agosto, publicouse no BOP da Coruña o extracto do acordo do 2 de agosto de 2018 da Xunta de Goberno da Cidade de Santiago de Compostela polo que se aproban as bases e convocatoria de subvencións destinadas ao fomento do deporte federado ano 2018.

O prazo de presentación de solicitudes será de 20 días naturais contados a partir da publicación no BOP, é dicir, desde o 24 de agosto ata o 12 de setembro, ambos inclusive.

02/08/2018

A concelleira de Deporte, Noa Morales, visitou esta mañá as obras que se están acometendo no pavillón do CEIP Apóstolo Santiago e nas que o Concello inviste 207.777 euros, IVE incluído. Xunto a ela estivo o arquitecto do proxecto, Alfredo Varela.

31/07/2018

A concelleira de Deporte, Noa Morales, presentou esta mañá a sétima edición do Circuíto de Carreiras Saudables CorreSan, que nesta ocasión inclúe catro probas que se estenderán dende o 15 de setembro ata o 1 de decembro. Na rolda estivo acompañada polo presidente da Federación Galega de Atletismo, Isidoro Hornillos; o delegado da Federación en Santiago, Iván Sanmartín, e o santiagués e vencedor absoluto da edición 2017, Amador Pena Torreira.

20/07/2018

Velaquí a axenda coas actividades deportivas en Compostela do 20 ao 22 de xullo de 2018.

18/07/2018

Comunicamos á apertura dun prazo extraordinario de solicitude de instalacións municipais para a realización de actividades deportivas periódicas durante a tempada 2018/19. 

Como consecuencia dun erro no envío do correo electrónico informativo respecto da apertura do anterior prazo xa rematado, en base ao principio de confianza lexítima, procédese a establecer un segundo prazo extraordinario, concretamente do 19 ao 30 de xullo, para aquelas entidades deportivas interesadas que non puideron cumprir con este requisito obrigatorio no primeiro prazo.

16/07/2018

Xa se poden consultar as bases reguladoras e a ficha de inscrición para a II Edición da Festa do Deporte

06/07/2018

Velaquí a axenda coas actividades deportivas en Compostela do 6 ao 8 de xullo de 2018.

05/07/2018

O rocódromo Indorwall será a sede do Campionato de España de Escalada Deportiva en Idade Escolar, que se celebra os días 7 e 8 de xullo na nosa cidade. Na proba participarán 80 deportistas procedentes de Galicia, Madrid, Castela e León, Estremadura, Valencia, Andalucía, Euskadi, Aragón e Castela-A Mancha.

29/06/2018

Velaquí a axenda coas actividades deportivas en Compostela do 29 de xuño ao 1 de xullo de 2018.

26/06/2018

Un total de 345 deportistas de 22 equipos participarán desde mañá na V Jamboree de Minibasket que organizan a Federación Galega de Baloncesto e o Concello de Santiago. A competición vaise desenvolver no pavillón do Restollal, con 10 equipos masculinos e 12 femininos.

Páginas