Noticias de Deporte Santiago

28/04/2017

O campo de fútbol do Sergas acollerá o vindeiro luns 1 de maio, en horario de mañá e tarde, a segunda xornada da I Copa Gallaecia de Futfem en categoría infantil. Así o anunciaron esta mañá a concelleira de Deporte, Noa Morales; o vicepresidente da Federación Galega de Fútbol, Javier García, e a coordinadora da sección feminina do club, Maribel Rial.

27/04/2017

A concelleira de Deporte, Noa Morales, e o presidente da sección de montaña do Club Deportivo Fontiñas, Iñaki Bilbao, deron a coñecer esta mañá os detalles da XIV Andaina dos 50 quilómetros de Santiago de Compostela, que se celebrará o vindeiro sábado, 6 de maio. A proba está incluída na Copa de Andainas de 50 km da Federación Galega de Montañismo.

26/04/2017

A concelleira de Deporte, Noa Morales, e o presidente de Arteal TM e vicepresidente da Federación Galega de Tenis de Mesa, José Alborés, deron a coñecer este mércores os detalles dos encontros amigables que a selección galega disputará coa arxentina.

25/04/2017

O alcalde de Santiago, Martiño Noriega, acompañado pola concelleira de Deporte, Noa Morales, asistiu ás actividades celebradas na praza da Quintana con motivo do Día da Educación Física na rúa. Máis de 800 estudantes participaron durante a mañá en coreografías grupais, adestramento persoal, exercicios hipopresivos, circuítos de cinco estacións, percusións corporais, rondos cubanos e hip hop.

24/04/2017

A concelleira de Deporte, Noa Morales, deu a coñecer esta mañá os actos para celebrar o Día da Educación Física na Rúa, que terán lugar este martes 25 de abril na praza da Quintana. Na rolda estivo o director do IES Rosalía de Castro, Ubaldo Rueda; o profesor de Educación Física do centro, Pablo Alén; e un dos alumnos organizadores, Raúl Lorenzo.

21/04/2017

Velaquí a axenda coas actividades deportivas en Compostela (21 ao 23 de abril de 2017)

21/04/2017

Apertura do prazo de solicitude de instalacións deportivas municipais para o desenvolvemento de actividades, programas, campionatos e outro tipo de eventos deportivos, en xeral, a realizar durante o período de 12 de xuño a 8 de xullo e do 21 de agosto ao 10 de setembro

12/04/2017

Velaquí a axenda coas actividades deportivas en Compostela (14 ao 17 de abril de 2017)

11/04/2017

A concelleira de Deporte, Noa Morales, acompañada do presidente do Santiago Futsal, Ramón García, e do xerente de Viaqua, Julio Masid, presentou esta mañá os detalles da IV edición do torneo Cidade do Futsal, organizado polo Santiago Futsal, o Concello de Santiago e Viaqua.

07/04/2017

Velaquí a axenda coas actividades deportivas en Compostela (7 ao 9 de abril de 2017)

Páginas