Noticias de Deporte Santiago

11/10/2017

A concelleira de Deporte, Noa Morales, presentou a segunda carreira da VI edición do Circuíto de Carreiras Saudables CorreSan. Trátase da Ruta da Prata-Angrois, que se celebrará o vindeiro sábado 14 de outubro. Tamén participaron na rolda de prensa Iván Sanmartín, delegado en Santiago da Federación Galega de Atletismo, e Martín Rozas, directivo da Asociación de Veciños de Angrois e integrante do Noitebra F.C.

06/10/2017

Velaquí a axenda coas actividades deportivas en Compostela (6 ao 8 de outubro de 2017)

26/09/2017

A concelleira de Deporte, Noa Morales, presentou a XVI Camiñada ao Pedroso, unha andaina solidaria a beneficio de Unicef que se celebrará o domingo 1 de outubro ás 10:00 horas, con saída da praza do Obradoiro e chegada á Granxa do Xesto. Na rolda de prensa tamén participaron Iñaki Bilbao, presidente da sección de montaña do Club Deportivo Fontiñas, e Irene Marín, en representación de Unicef en Santiago.

25/09/2017

O I Torneo de Xadrez Cidade de Santiago, celebrado o pasado 16 de setembro no Centro Comercial Área Central, reuniu a preto de 200 participantes procedentes de toda Galicia.

21/09/2017

A concelleira de Deporte, Noa Morales, visitou esta mañá o campo de fútbol das Cancelas, onde se levaron a cabo obras durante os meses de verán. Ademais desta instalación, tamén se acometeron obras no polideportivo das Fontiñas. O Concello destinou a estas dúas obras preto de 100.000 euros, procedentes do remanente de tesourería.

13/09/2017

O alcalde de Santiago, Martiño Noriega, presentou a que será a cuarta e última etapa da XVI Volta Ciclista a Galicia o vindeiro domingo 17 de setembro. O percorrido desta etapa desenvolverase na contorna da cidade de Santiago, con saída e chegada na avenida de Xoán Carlos I.

12/09/2017

Os concelleiros de Medio Ambiente, Xan Duro, e de Deporte, Noa Morales, xunto co presidente do Santiago Futsal, Ramón García, presentaron unha nova campaña de fomento da reciclaxe na que colaboran o Concello e o club compostelán. O equipo levará o lema "O Santiago Futsal recicla" durante esta tempada 2017-2018.

12/09/2017

A concelleira de Deporte, Noa Morales, presentou este martes a VI edición do Circuíto de Carreiras Saudables CorreSan. O CorreSan 2017, que ten como lema "Non é unha tolemia, é unha paixón", contará con catro probas. A primeira será este mesmo sábado, 16 de setembro, co percorrido nocturno pola cidade histórica.

17/07/2017

No día de hoxe, luns 17 de xullo saíron publicadas no BOP da Coruña as bases da convocatoria de subvencións destinadas ao fomento do deporte

13/07/2017

A semana pasada, as localidades de Sarria, Lugo e Monforte de Lemos acolleron a XII edición dos Xogos do Eixo Atlántico que, con carácter bienal, reúnen nunha cidade integrante desta asociación transfronteiriza a case 2.000 rapaces e rapazas que conviven a través da práctica do deporte. A delegación compostelá que participou nestes Xogos será recibida hoxe en Raxoi ás 18:00 horas.

Páginas