Noticias de Deporte Santiago

20/09/2021

No día de hoxe, luns 20 de setembro, publicouse no BOP da Coruña o extracto do acordo do 13 de setembro de 2021 da Xunta de Goberno Local do Concello de Santiago de Compostela polo que se aproban as bases e convocatoria de subvencións destinadas ao fomento do deporte federado ano 2021.

 

O prazo para presentación de solicitudes será de 15 días naturais contados a partir desta publicación no BOP, é dicir, desde o 21 de setembro ata o 5 de outubro, ambos inclusive.

 

10/08/2021

A Xunta de Goberno Local do Concello de Santiago de Compostela, na sesión ordinaria celebrada o 9 de agosto de 2021,  aprobou as Bases reguladoras da convocatoria de cesión de usos das instalacións deportivas municipais para actividades deportivas (adestramentos) e actividades físicas durante a tempada 2021-2022.

Para a presentación das solicitudes deberanse cubrir os formularios que figuran nos trámites establecidos na Sede Electrónica do Concello de Santiago: 

12/07/2021

Apertura do prazo de solicitude de instalacións deportivas municipais para o desenvolvemento de actividades deportivas de pretempada previas á competición oficial a realizar durante o mes de agosto e setembro, ambos inclusive.

INFORMACIÓN

SOLICITUDE XERAL

03/06/2021

 

Solicitude de instalacións deportivas municipais para o desenvolvemento de actividades, programas, campionatos e outro tipo de eventos deportivos, en xeral, a realizar durante o período do 28 de xuño ao 10 de xullo, ambos inclusive.

Información

Declaración responsable

12/05/2021

O acceso de público ás instalación deportivas do Concello permitirase a partir da vindeira fin de semana, 15 e 16 de maio, sempre que as entidades organizadoras o soliciten, así o indicou a concelleira de Deportes, Esther Pedrosa, que tamén fixo un repaso ás últimas actuación de departamento, que supuxeron un investimento de preto de 550.000 euros, e un avance do previsto para o que resta de ano, por un global de 880.000 euros.

 

22/04/2021

Regulación do réxime de uso das pistas de atletismo do Estadio Municipal Verónica Boquete de San Lázaro para:

- Entidades Deportivas

- Deportistas individuais federados

INFORMACIÓN

SOLICITUDE ENTIDADES

SOLICITUDE INDIVIDUAL

22/02/2021

A Xunta de Goberno Local do Concello de Santiago de Compostela, na súa sesión ordinaria celebrada o 22 de febreiro de 2020, aprobou as bases dos Premios Santiago Deporte 2020.

- Bases reguladoras dos Premios Santiago Deporte 2020

29/12/2020

Desde o Concello de Santiago de Compostela lamentamos comunicar a suspensión da “VIII San Silvestre de Santiago” prevista para o 31 de decembro de 2020. Esta decisión foi acordada xunto coa Federación Galega de Atletismo en vista ao baixo nivel na dinámica de inscrición nesta proba solidaria. No que respecta aos atletas que formalizaron a súa participación, infórmase que se procederá á devolución da inscrición a través da propia plataforma. Agradecemos a comprensión e colaboración de todas e todos e desexámosvos un 2021 cheo de deporte e saúde.

23/12/2020

A concelleira de Deportes, Esther Pedrosa, presentou en rolda de prensa a oitava edición da San Silvestre compostelá, que nesta ocasión terá só carácter federado e contará cun cupo de 300 prazas.

14/12/2020

Dispoñible para consulta e descarga o protocolo actualizado para o uso das instalacións deportivas municipais durante a incidencia do Covid-19.

Páginas